Terreni i Mallakastrës tërheq vëmendjen e kultivuesëve të hashashit

Policia brenda tre ditësh zbulon rastin e dytë të kultivimit në masë të canabissit në zonën e Mallakastrës.

Maskimi në zonat e thella si dhe largësia e vëmendjes së policisë ka bërë që kultivuesit e bimëve narkotike t’i drejtohen Mallakastrës për të "zhvilluar aktivitetin" e tyre. Kjo tregohet edhe me faktin se brenda tre ditësh agjentë të antidrogës kanë zbuluar dy parcela të mbjella me hashash, pikërisht në zonën e Mallakastrës. E përbashkta e të dy rasteve është se kultivimi i bimës narkotike cannabis sativa është realizuar në tokë publike, që i përket komunave ku dhe janë zbuluar.

 

Tre ditë më parë kanë qënë atë e bir, Novruz dhe ……..Çalaj, ata që janë vënë në pranga për prodhim bimësh narkotike. Pas më shumë se 20 ditësh survejim të dy këta persona policia i ka kapur në kushtet e flagrancës duke u kujdesur për parcelën që kishin krijuar me hashash. Kurse mbrëmjen e së premtes agjentët e seksionit të antidrogës në kuadër të fushatës kundër kultivimit të bimëve narkotike dhe në zbatim të planit të masave , gjatë kontrollit të ushtruar në vendin e quajtur Belagor të fshatit Drizar të komunës Kutë në rrethin e Mallakastrës është përballur me një tjetër parcelë me drogë.

 

Agjentët e anti drogës mësohet se kanë ushtruar kontroll në shumë kullota dhe sipërfaqe tokash dhe në brendësi të pyllit në fshatin Drizar, pyll i quajtur Maja e Shkallës kanë gjetur një parcelë të mbjellë në formë të rregullt me bimë të cilat kishin kërcell dhe gjethe të dhëmbëzuara me ngjyrë jeshile që ishin Canabis Sattiva. Bimët e gjetura ishin të një gjatësie nga 45 cm deri në 150 cm. sipas burimeve zyrtare të policisë mësohet se në këtë parcelë janë gjetur plot 231 rrënjë hashashi të cilat u prenë dhe i asgjësuan me zjarr në vendin e kultivuar. Policia deklaron gjithashtu se nga hetimet e para rezultoi se nuk ka ende një autor për kultivimin e kësaj parcele me hashash, megjithatë policia është duke punuar për identifikimin dhe kapjen e tyre. Policia ka ushtruar kontroll në banesat e zonës, si dhe ka marrë shumë persona në pyetje, por ende nuk ka një autor, ndërsa materialet e këtij rasti ja ka dërguar prokurorisë së Fierit për hetime të mëtejshme.

 

 

Burimi informativ / Xhemil Beharaj

Shtoni ne: | | | | | | | | | | | | | | | | |