Vidhen pompat e ujit, ne kerkim autoret e dyshuar

Një 19 vjecar dyshohet prej policisë se është autori I vjedhes së pompave të ujit të ndërmarjes  së bordit të kullimit të tokave. Ai është shpallur person në kërkim, pohoi zyrtarisht drejtoria e policisë qarkut Fier  në komunikatën e saj për shtyp në ditën e sotme. Sipas këtyre burimeve mësohet se rreth orës 21 e 30 minuta të mbrëmjes së djeshme në ndërmarjen e bordit të kullimit të tokave  që ndodhet në fshati Havaleas është konstatuar vjedhja e 4 pompave të ujit që shërbejnë për furnizimin e zonave me ujë përreth këtij fshati. Furnizmin me ujë këto pompa e kryenin për vaditjen e tokave të kësaj zone. Së bashku me 4 pompat vjedhësi kishte marrë edhe 4 elektromotorrët e tyre  të cilat kapin shifrën e 2,5 milion lekëve. Forcat policore pasi kanë kryer një punë  të mirëfilltë kanë aritur në përfundimin se këto materiale ishin vjedhur nga Shkëlzen Celiku 19 vjec banor i fshatit Dërmënas. Këtë vjedhje 19 vjecari e ka kryer së bashku me një tjetër shtetas i cili  nuk është identifikuar prej policisë.  Kjo e fundit ka pohuar se 19 vjecari  është shpallur në kërkim pasi dyshohet që të jetë ai vjedhësi i 4 pompave së bashku me 4 elektromotorrët.

Fieri.Com / Xhemil Beharaj