Ndryshon vendimi i KQZ-së, vijnë në Tiranë kutitë e 3 KZAZ-ve të Fierit

Komisioni Qendror i Zgjedhjeve eshte perballur me debate te ashpra ne mbledhjen per KZAZ-te e Fierit, duke bere qe te ndryshohet edhe vendimi qe u mor tre ore me pare. Keshtu KQZ me vote vendosi qe te gjitha kutite e votimit te KZAZ-ve te Fierit te vijne per numerimin ne Komsionin Qendror te Zgjedhjeve. Transporti kryhet neser nen forca te sigurta policie.

Plot 488 kuti votimi te tre KZAZ-ve, nr. 18, nr.19 dhe nr. 22 te Fierit do te numerohen ne prezence te anetare te KQZ-se.

KQZ vendos që tre KZAZ-të e Fierit të mos i sjellin kutitë në Tiranë

Komisioni Qendror i Zgjedhjeve u mblodh në orën 19:00 dhe vendosi që tre KZAZ-të e Fierit, përkatësisht nr.18, nr.19 dhe nr.22 të vazhdojne mbylljen e procesit ne qytetin e tyre dhe të mos i sjellin kutitë në KQZ. Ndërsa për KZAZ-në nr.20, ende nuk është marrë një vendim se çfarë do të bëhet me tre kutite që kanë mbërritur tashmë në KQZ.

Gjatë raportimit para komisionit, i dërguari i KQZ-së në Fier tha se "kutitë nuk kanë probleme por thjesht komisioneret nuk bien dakord për procesverbalet. Vendimin për të sjelle kutite ne Tirane ata e bazojnë në nenin 33/5". Ndersa kryetari i KQZ-së Arben Ristani u shpreh se "kërkesa nuk gjen mbështetje në këtë nen ndaj komisionerët duhet te vazhdojne punen qe kane marre përsiper, të plotesojne tabelat dhe procesverbalet dhe ti sjellin në KQZ. Mendimi i tij gjeti mbeshtetjen edhe të anëtarëve të tjere të komisionit.

 

Kontestimi, kutitë e KZAZ nr. 20 në Fier, mbërrijnë në KQZ

ora 16:20

Tre kutitë e qarkut të Fierit, në të cilat dy partitë e mëdha PD dhe PS kanë varur shpresat për të fituar të drejtën e formimit të qeverisë së ardhshme, kanë mbërritur në Komisionin Qendror Zgjedhor dhe do të numërohen aty.
Të dhënat paraprake nga Komisioni Qendror i Zgjedhjeve, nxjerrin në raport të barabartë mandatesh 70-70 të majtën dhe të djathtën.
Ndërkohë pritet të nisë numërimi i këtyre 3 kutive për të zbuluar nëse do të ndikojnë në ndryshimin e rezultatit.
Këto kuti u bënë objekt për tensionimin e situatës pranë KZAZ-së 20 në Fier, gjatë orëve të mbrëmjes së mbrëmshme, deri në orët e para të mëngjesit të sotëm.

Komisionerët e Partisë Demokratike pretendonin se 3 kutitë kishin probleme teknike dhe ishin të papranueshme për një proces normal. Ku fakt irritoi kandidatët dhe përfaqësuesit e PS-së në këtë proces, të cilët e kontestuan këtë vendim dhe kërkuan rinumërim të kutive dhe vlerësim të rezultateve.

Simpatizantë të PS-së dhe kandidatë e përfaqësues të saj ishin mbledhur pranë KZAZ dhe nuk lejonin transportimin në KQZ me frikën se do mund të kishte manipulime nga ana e qeverisë.

Komisioni Qendror Zgjedhor u detyrua të mblidhet urgjentisht në orën 01. 00 të mëngjesit të sotëm për të gjetur një zgjidhje për situatën. Me shumicë votash, anëtarët e propozuar nga PD në këtë institucion vendosën që fletët e votimit të tre kutive të komunës Libofsh të trasnportoheshin drejt KQZ-së për t’u numëruar, nën shoqërimin e forcave të policisë së shtetit.

Pa llogaritur këto kuti votimi, raportet e mandateve në Qarkun e Fierit në bazë të votave që janë numëruar deri tani nxjerrin fitues PS-në me 9 deputetë, PD-në me 6 dhe LSI-në me një deputet.

Burimi informativ / BalkanWeb & Shekulli

Shtoni ne: | | | | | | | | | | | | | | | | |