Biznesmenë fierakë ndihmojnë me ushqime dhe te holla 2 jetimët nga Mbyeti

Gjyshja e tyre vuan ende dënimin për kultivim canabisi

2 jetimët 14 dhe 17 vjec nga fshati Mbyet i rrethit të Fierit kanë gjetur përkrahjen nga kreu i Bashkisë Fier, Baftjar Zeqaj për riparimin e shtpëisë së tyre. Prej afro 1 muaji në shtëpinë e tyre po punohet për përfundimin e dhomës së tyre , pasi shtëpia ka mbetur në qiell të hapur. Reagimi i kreut të Bashkisë Fier, ka qënë edhe për një ndihmë tjetër në ushqime, para dhe veshmbathje. Me interesimin e tij shumë biznesmene fierakë kanë dhënë ndihmesën e tyre në ndihmë të 2 jetimëve Sokol dhe Xhemal Bako. “Për familjen e 2 jetimëve-ka thënë Zeqaj jo vetëm para Vitit të ri që siguruam disa ushqime por edhe materiale të tjera ndërtimi nga bisnese të rrethit Fier, dhe vazhduam punën për të sjellë disa ndryshime në shtëpinë e tyre të mjeruar edhe nga gjendja fizike, pasi shtëpia ishte e pasuvatuar, pa ndricim , pa pllaka. Besoj se kontributet tona kane sjellë pak ndryshim në jetën e këtyre 2 fëmijëve jetim dhe nënës së tyre të burgosur. 2 vëllezërit jetojnë vetëm pasi gjyshja e tyre 75 vjecare Feride Bako vuan dënimin për veprën penale të kultivimit të lëndëve narkotike. Kanë qënë 6 biznesemenë të ndryshëm që operojnë në firmat e tyre private të cilët sot kanë kontribuar me një shumë totale lekësh prej 4 milion lek të vjetra në ndihmë të 2 jetimëve si dhe në disa pako ushqimore dhe veshmbathje.

Fieri.Com / Aurora Damini