Bohlen lavdëron Ruzhdi Bojanin

Miliona gjermanë përcollën, të shtunën në mbrëmje, edicionin më të ri të emisionit “Deutschland sucht den Superstar” (Gjermania kërkon Superyllin). Këngëtari me prejardhje nga Kosova, Ruzhdi Bojani, është më i miri, të cilin e kemi dëgjuar deri më tani gjatë audicionit, ka deklaruar këngëtari i njohur gjerman, Dieter Bohlen.

Ai në sallën e audicionit u paraqit me kitarën e tij dhe fascinoi publikun dhe jurinë me këngën “Closer”, të këngëtarit Neyo. Ruzhdiu pushtoi zemrat e anëtarëve të jurisë dhe arriti të kualifikohet më tutje, pa pasur nevojë që të rrëfejë historinë e tij mjaft pikëlluese.

Ruzhdi Bojani është vetëm 22 vjet dhe tashmë ka përjetuar shumë gjëra në jetën e tij. Si fëmijë, ai ka përjetuar gjashtë muaj të luftës në Kosovë, me ç’rast në një moment i ishte vënë edhe arma në kokë, i rrëfeu ai anëtarëve të jurisë. Por tani duket se gjërat kanë marrë rrjedhën e duhur për këtë këngëtar të talentuar.

Dieter Bohlen theksoi se Ruzhdi Bojani është këngëtari deri me tani më i mirë, të cilin e ka parë dhe dëgjuar në edicionin e sivjetmë të “Deutschland sucht den Superstar”.

Burimi Informativ:  SHQIPERIACOM